"СА" "Классико" олдидан. Хайрулла Холиқов: “Тўғриси, ўйинни интиқлик билан кутаётганим йўқ”

Улардан қуйидаги икки саволга жавоб бериш сўралган эди:

1. "Классико"дан нималарни кутяпсиз?
2. Бугунги ўйин қандай натижа билан ниҳоясига етади деб ўйлайсиз ва нима учун?

Хайрулла Холиқов

1.   Бугун тунда бўлиб ўтадиган “Реал” ва “Барселона” қарама-қаршилигини кўпчилик интизорлик билан кутаётгани бор гап. Лекин мени бундай деб бўлмайди. Чунки ўйин ўзимизнинг “Спорт” ТВ орқали намойиш этилмас экан. Уйда “кабель” йўқ, фақат ўзимизнинг каналларни кўрамиз. Тахминимча, баҳс жуда шиддатли ҳамда қизиқ кечади. Ўйинни ким кўрадиган бўлса, Месси ва Роналду иштирокидаги яна бир дуэлга гувоҳ бўлса ажаб эмас.

2.   Менимча, ўйин 3:2 ҳисобида “Реал” фойдасига ҳал бўлади. Бунинг сабаби, Карло Анчелотти кучли жамоаларга қарши қандай ўйнаш кераклигини пухта билади. “Барса” устози Херардо Мартино эса бу борада бироз нўноққа ўхшаяпти. Албатта, бу тахмин холос, лекин айни пайтда “Реал” ашаддий рақибига нисбатан кучлироқ кўринмоқда.