Руди Гарсия: “Тактик “жанг”да “Лион” ғолиб чиқди. Барчасини захирадан тушганлар ҳал қилди”
16 aug 2020 07:57
News

Руди Гарсия: “Тактик “жанг”да “Лион” ғолиб чиқди. Барчасини захирадан тушганлар ҳал қилди”

“Лион” бош мураббийи Руди Гарсия жамоасининг ЕЧЛ чорак финалида “Манчестер Сити”ни (3:1) мағлуб этган учрашувидан кейин ўз мулоҳазалари билан ўртоқлашди.

“Футболчиларим билан фахрланаман. Биз ўз кучимизга ишонгандик. Фаворит эмаслигимизни, топ клубга қарши майдонга чиқишимизни билардик. Ғалабамизга омил бўлган энг муҳим жиҳат - жамоавий руҳнинг мустаҳкамлиги. Ҳар бир футболчимиз жамоадоши учун ҳаракат қилди, шунингдек, захирадан тушган футболчилар жуда катта ёрдам беришди.

Муса Дембеле асосий таркибдан жой олмаганига хафа бўлганди. Аммо ўйиндан олдин мен унга майдонга захирадан тушиб, муҳим роль ўйнай олишини айтгандим. Дастлабки чорак финал ўйинлари сингари захирадан тушган футболчилар масалани ҳал этиб қўйишди.

Биз тактик “жанг”да ғолиб чиқдик. Олдимизда янги довон турибди ва биз уни забт этишга уриниб кўрамиз”, деди Гарсия “RMC Sport”га берган интервьюсида.

Link :

Source : УЕФА расмий сайти

Receive latest football news directly on your phone. Subscribe for our Telegram channel!

Rating: +18