Роналду ўйин пайтида МЮ захирасини тарк этди. Тен Хаг бу билан шуғулланишини айтди

Аммо, кўпроқ натижани эмас, майдонга туширилмаган Криштиану Роналдунинг захира ўриндиғини эрта тарк этиши муҳокама қилинмоқда.

Португалиялик 90-дақиқада захира ўриндиғидан турди ва трибуна тагидаги тоннелга йўл олди. У майдондаги воқеаларга умуман эътибор қаратмади.

The Athletic'га маълумотига кўра, Криштиану нафақат майдонни, балки стадионни ҳам тарк этган – Роналду жамоа ғалабани нишонлаётган пайти мезбонлар кийим алмаштириш хонасида бўлмаган.

"Юнайтед"да ўйинчи алмаштириш учун яна имконият бор эди: Тен Хаг икки уринишда учта ўзгаришни амалга оширди (Мактомини 76-дақиқада Антонининг ўрнига майдонга чиқди, 87-дақиқада эса Эланга ва Эриксен Каземиро ва Санчони алмаштирди). Мураббий битта паузада яна иккита алмаштириш қилиши мумкин эди, аммо ҳеч ким майдонга туширилмади.

Реакция: Эвра Роналдуни ҳимоя қилмоқда, Ширернинг эса Тен Хагга раҳми келади

Кўпчиликнинг реакцияси қандай бўлгани аён – буни Англия терма жамоаси собиқ ҳимоячиси Дэнни Милз ўз гаплари билан акс эттирди: "Агар у шундай қилган бўлса, бу мутлақ шармандалик. Бу жамоага, мураббийга ва мухлисларга бўлган ҳурматсизлик. У ўзини клубдан устун қўяди... Бу мутлақ шармандагарчилик!".

Аммо, Криштиануни ёнини олганлар ҳам бор. Масалан, МЮдаги собиқ шерик Патрис Эвра: "Барчаси ҳар хил. Мен Криштианунинг ҳимоясига эмас, МЮнинг ўйинига эътибор қаратган бўлардим. Биз унинг Тен Хагга кетиши ҳақида айтган ёки айтмаганини билмаймиз, балки биз бундан бир воқеа ясашга уринаётгандирмиз. Баҳона изламоқчи эмасман, Криштиану ҳақида ҳар кун гапиришни тўхтатиш керак".

Алан Ширер эса Тен Хагни ҳимоя қилди: "Роналдунинг майдонга туша олмагани сабаб хафа бўлганини тушунаман. Аммо, вазият бундай: жамоа яхши ўйин ўтказди ва мураббий уни захирага қўйиб катта иш қилди. Бу тўғри қарор бўлиб чиқди, сабаби майдондаги барча тўғри ўйнади. Вазият оғир. Мураббийнинг ҳаёти оғир. Журналистлар бу ҳақда ундан сўрашади, у эса умуман майдондаги жамоа ҳақида гапириши керак, чунки бугун улар ажойиб ўйнашди.

Ҳа, Тен Хагдан Роналду ҳақида сўрашди. У Amazon Prime'даги интервьюда қисқа жавоб қайтарди: "Бу бўйича эртага шуғулланаман, аниқ бугун эмас".

Роналдуни нега туширмаслик қарорини қабул қилганини айтди: "Бундай рақибга қарши яхши прессинг ва контрпрессинг керак эди. Бунинг натижасида вазиятлар яратиш мумкин эди, шундай экан яхши прессинг қиладиганлар керак эди".

Тен Хаг Роналдуни кам асосий таркибга туширади. Криштианунинг опаси аллақачон ижтимоий тармоқда мураббийга ҳужум уюштирди

Мураббий иккинчи бор Роналдуни бутун ўйин давомида захирада қолдирди. Биринчи "Манчестер Сити" билан бўлганди, ўшанда Эрик Тен Хаг буни Роналдунинг хизматларига ҳурмат билан изоҳлаган эди.

Португалиялик ва мураббийда муносабатлар яхши эмас. Роналду ўтган ўйинда захирага олинганидан сўнг ўзи бирдан Тен Хагнинг қўлини сиқиб қўймади – ўшанда нидерландияликнинг ўзи унга яқинлашди. Роналду ростдан ҳам кўп ўйнамаяпти: у жорий мавсум АПЛда 8та ўйинда майдонга тушди, майдонда ўтказилган ўртача дақиқалар – бир таймдан кам (42). У фаолияти давомида лигада бунча кам ҳеч қачон ўйнамаган – у ҳатто 2003/04 йилги мавсумда майдонда деярли 60 дақиқада ўтказган.

Криш мунтазам тарзда фақатгина Европа Лигасида ўйнамоқда – у тўрт ўйиннинг барчасида асосий таркибда майдонга тушган.

Барча мусобақалар бўйича якун: 13та ўйиндан олтитасида асосий таркибда. Унинг "Атлетико"дан тортиб, "Галатасарой"га ўтиши мумкинлиги ҳақида миш-мишлар янгради.

Тен Хагга аллақачон Роналдунинг қариндошлари норозилик билдирмоқда. Криштианунинг опаси Элма Авейру "Ньюкасл"га қарши ўйинда укаси алмаштирилганидан сўнг португалча футбол аккаунтидаги янгиликнинг "Агар шундай давом этса, Тен Хаг январгача қолмайди" деб ёзилган "скрин"ини жойлади ва ёзиб қўйди: "Жуда ҳам кеч".

Алишер Остонов таржимаси