"Реал"га "Манчестер Сити" ҳимоячисини таклиф қилишди

Испаниянинг Marca нашри хабарига кўра, сўнгги ҳафталарда Мадрид клубига турли таклифлар келиб тушди, шулардан бири "Манчестер Сити"нинг марказий ҳимоячиси Мануэль Аканжини сотиб олиш бўлди. "Реал"дагилар бу хабардан ҳайратланишди.  

Таъкидланишича, ҳозирда жароҳатдан тикланаётган швейцариялик футболчи янги жамоада ўзини синаб кўриш ва вазиятни ўзгартириш истагида. Бироқ Аканжининг трансфери "Реал"нинг ёш футболчиларни сотиб олишга қаратилган стратегиясига мос келмайди. Ушбу стратегияга кўра, клуб узоқ вақт давомида устунлик қила оладиган ёшларга эътибор беради.  

Жорий мавсумда 29 ёшли ҳимоячи АПЛда 20 та ўйин ўтказди.