"Реал" билан ўйиндан аввал Гризман машғулотга чиқмади!

Матбуот анжуманида Диего Симеонега жамоа сардори Коке ҳамрохлик қилди.

Диего Симеоне ва Коке "Реал"га қарши эртанги баҳс олдидан нималар деди?

"Барчага хайрли кеч. Мен ҳар доим "дерби"ларда ўйнашни истайман. Эртага яна бир ярим финал. Мақсадимиз финалга йўл олиш. Тўғри, "Реал"га қарши кўп ўйнаганман, бу ҳақда сиз ҳам айтиб ўтдингиз, аммо ҳеч қачон мотивациям сўнмаган. Эртага "Реал"ни мағлуб этиш учун жонимизни ҳам беришга тайёрмиз. Мбаппе эртанги учрашувни ўтказиб юбориши кўп нарсани ўзгартирмайди. Тўғри, у дунёнинг энг кучли футболчиларидан бири, аммо рақиб таркибида йўқори даражали футболчилар кўп.

Альварез қандай даражадаги футболчи эканлигини намойиш этиб бўлган. Умид қиламанки, эртага у "Метрополитано"даги ишини такрорлайди. Жарима зарбаси ва ажойиб гол", , - дея фикр билдирди Коке эртанги баҳсдан олдин.

"Альварез ҳақида яна ва яна такрор гапиришни истамайман. Хулиан - ажойиб футболчи, айрим вазиятларни уни таърифлашнинг ҳожати ҳам йўқ.

Бариоснинг ўйини Алмаданики билан бир хил демаган бўлардим. Улар бир позиция учун курашишмайди. Устига-устак Льоренте, Кардозо ва Конор ҳам шу ерда.

"Реал"га қарши ҳар бир ўйинимиз аввалгиларидан фарқли бўлиши аниқ. Мен ҳар бир дерби бошқача кечишига ишонаман ва шунга тайёргарлик кўраман. "Метрополитано"да ўтказган ўйинимиз эртанги баҳс билан боғламаган бўлардим", - дея фикр билдирди Диего Симеоне эртанги баҳсдан олдин.

Шундан кейин ОАВ учун машғулотларни ёритиш учун эшиклар очилди. Бош мураббий журналистлар учун ажратилган дақиқаларда кўриниш бермади. Ёрдамчилари чигал ёзди машғулотларни ўтказдилар. Шунингдек, биз кутган Антуан Гризман ҳам майдонга чиқмади. Журналистлар аренани тарк этганларидан кейин Мадрид юлдузи чиққан машғулот ўтказган бўлиши мумкин.

Мен эса Сизларга тадбирдан эксклюзив фото кадрларни тақдим қиламан.