"Реал" 2030 йилгача Эндрикнинг ҳар бир голи учун 35 000 доллардан тўлаб боради

Маълум бўлишича, "Реал" 2030 йилгача Эндрикнинг ҳар бир гол ва голли узатмаcи учун "Палмейрас"га 35 000 доллардан тўлаб боради. Ушбу пуллар шартноманинг бонус пакетида белгиланган ва у ҳужумчининг самарадорлигига қараб, 12,5 млн долларгача етиб бориши мумкин.

Шунингдек, Эндрикнинг асосий таркибда бошлаган ёки 45 дақиқадан кўпроқ майдонда ўтказган учрашуви "Реал"га 75 000 долларга тушади. Агарда "Реал" Эндрик билан ЕЧЛда зафар қучса, "Палмейрас" 500 000 — 2 млн долларгача пул ишлаб олади.

Эндрик "Golden Boy", "Олтин тўп" совринини қўлга киритса ёки ФИФА талқинига кўра, йилнинг энг яхши футболчилари учлигига кира олса, "Палмейрас" қўшимча 1 — 2 миллион доллар фойда кўради.