Равшан Ҳайдаров: "Бугун турли тактик схемаларни амалда қўллаб кўрдик"

Ўйинда наманганликлар 3:1 ҳисобида ғалаба қозонди. Учрашувдан сўнг Равшан Ҳайдаровнинг фикрларини билишга қизиқдик.

- Бу каби синов-назорат ўйинларида натижа у қадар муҳим аҳамият касб этмайди. Асосийси қўл остимиздаги футболчиларнинг имкониятини кўздан кечириш эди. Шу боис бугун биз турли тактик схемаларни амалда қўллаб кўрдик. Таркибимиз ҳам аралаш бўлди. Учрашувдан ўзимизга керакли хулосаларни чиқариб олдик", - дейди Равшан Акмалович.

- Бугун жароҳати борлиги туфайли Шаҳбоз Эркинов майдонга туша олмади. Сафимизни эса энг сўнггилардан Ильдар Магдеев тарк этди. Бугунги учрашувдан сўнг Феруз Бобоқуловга ҳам жавоб бердик.

- Асосий таркиб ўзагини деярли аниқлаб олдик. Шу боис энди жиддий ҳаридлар амалга оширилмайди. Ёшлар жамоаси таркибидан ўзини кўрсатган бир талай ёшларни асосий таркибга жалб этишни ва захирамизни айнан мазкур ўйинчилар билан янада кучайтиришни ўйлаб турибмиз.

- Бугун дарвозани Мельничук билан Михайлов бир таймдан қўриқлагани сабабли иқтидорли Асилбек Омонов захирада қолди. Лекин бу посбондан ҳам умидимиз катта  дея ўз фикрини якунлади "Динамо" бош мураббийи.

Исломбек Рустамбеков ёзиб олди.