Расмий хабар: "Насаф" ОФК кубоги учун лицензия олди
16 dec 2020 20:58
News

Расмий хабар: "Насаф" ОФК кубоги учун лицензия олди

Осиё Футбол Конфедерацияси расмий сайтида келаси йилги халқаро мусобақаларда иштирок этиш учун лицензия олган клублар рўйхати эълон қилинди.

Унга кўра, ОФК Чемпионлар лигаси-2021да иштирок этиш учун лицензияга эга бўлган Ўзбекистон клублари 7 тани ташкил этади: “Пахтакор”, “Локомотив”, “Бунёдкор”, “Навбаҳор Лочинлари”, “Металлург”, AГМК, “Сўғдиёна”.

Шунингдек, ОФК кубоги-2021 мусобақасида иштирок этиш учунгина лицензия ола билган Ўзбекистон клуби – “Насаф”.

Нуфуз жиҳатидан юқорида турувчи ОЧЛ учун лицензия олган клуб агар мусобақанинг саралаш босқичидан муваффақиятли ўта олмаса, ОФК кубогида иштирок этиш имкониятига эга бўлади.

Қайд этиш жоиз, ОФК байроғи остидаги мусобақаларда қатнашиш учун клуб спорт мезонлари бўйича совриндор бўлиши ва шу билан бир қаторда лицензиялаш жараёнидан муваффақиятли ўтиши лозим саналади.

Link :

Source : pfl.uz

Receive latest football news directly on your phone. Subscribe for our Telegram channel!

Rating: +34