Расман: "Андижон" словениялик футболчи билан шартнома имзолади

Жумладан, "Андижон" футбол клуби янги мавсум учун таркибни кучайтириш ишларини давом эттирмоқда

"Бизнинг сафимизга словениялик 23 ёшли иқтидор эгаси Алтин Крезиу қўшилди ва у билан шартнома имзоланди.

Ярим ҳимоячи янги мавсумда “Андижон” шарафини ҳимоя қилади. Алтин жамоамизнинг Анталиядаги йиғинига қўшилди.

Маълумот учун, Алтин Крезиу 2002 йилнинг 3 январь куни таваллуд топган.

Футболчи шу пайтга қадар “Триглав” (Словения)”, “Спал” (Италия), “Торино” (Италия), “Виртон” (Белгия), “Табор” (Словения), “Марибор” (Словения) ва “Лачи” (Албания) жамоаларида фаолият олиб борган.

Алтиннинг охирги клуби “Лачи” бўлиб, у ерда 50 та учрашувда майдонга тушган ва 1 та гол урган. Ҳозиргача эса фаолияти мобайнида 118 та учрашувда қатнашган.

Алтин, “Андижон” жамоамизнинг аҳил оиласига хуш келибсан!", - дейилади клуб хабарида.