Latest news

19:25Ўзбекистон — Ўмон 0:0 (Матнли трансляция)  10 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  24 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  9 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  9

“Пойтуғ” - “Андижон вилояти ҳокими Кубоги” соҳиби News

“Пойтуғ” - “Андижон вилояти ҳокими Кубоги” соҳиби

Проффессионал футбол клублари ва ҳаваскор жамоалар ўртасида Андижон шаҳрида “Вилоят Ҳокими Кубоги-2021” мусобақаси ташкил этилди.

10 январ куни бошланган турнирнинг финал учрашув бугун бўлиб ўтди. Шўрбулоқ даҳасида жойлашган “Футбол маҳорат мактаби”нинг сунъий қопламали майдонида куннинг биринчи қисмида 3-ўрин учун ўйин ташкил этилди. “А” гуруҳида 2-ўринни банд этган “ЎзСемЮнгКо” жамоаси “В” гуруҳида 2-ўринни эгаллаган “Андижон-2” жамоаси билан кураш олиб борди. Қизиқарли ва муросасиз тарзда кечган баҳсда биринчи лига қатнашчиси “Андижон-2” жамоасининг қўли баланд келди – 2:1. Шу тариқа “Андижон-2” жамоаси “Ҳоким Кубоги” турнирида фахрли 3-ўринни қўлга киритди. 

Тушликдан сўнг “Ҳоким Кубоги-2021” турнирининг финал ўйини бўлиб ўтди. Унда бош соврин учун Избоскан туманининг “Пойтуғ” жамоаси билан Шаҳрихон туманининг “Фарзиё” жамоаси ўзаро баҳс олиб борди. Ўз олдига юқори мақсадларни қўяётган “Пойтуғ” жамоаси хусусий клуб бўлиб, босқичма-босқич мустаҳкам пойдевор яратмоқда дейиш мумкин. Ушбу жамоага “Андижон”нинг собиқ футболчиси Асрор Раҳмонов устозлик қилиб келмоқда. Бу йил “Андижон” жамоаси билан хайрлашган вилоятнинг айрим иқтидорли футболчилари айнан қишки йиғин чоғида “Пойтуғ”да қўним топди. 

Шаҳрихоннинг “Фарзиё” жамоаси эса хаваскор клуб бўлиб, бу жамоа таъсисчилари ҳам аста-секин катта футбол томон юриш қилишни режалаштирган. Айтишларича, “Фарзиё” бу йилдан бошлаб, вилоят иккинчи лига баҳсларида иштирок этишни ўз олдига мақсад қилиб қўймоқда. 

Финал учрашувига қисқача тўхталадиган бўлсак, ўйин кутилганидек жанговар ва кескин курашларга бой тарзда кечди. Футболчилар ғалаба илинжида майдонда бир-бирини ортиқча аяб ўтиргани йўқ. Шунингдек ҳакамлар томон ҳам норозиликлар етарлича бўлиб турди. Айниқса “Фарзиё” жамоаси аъзолари қанот ҳакамига нисбатан таҳдид солиб турди. “Пойтуғ” жамоаси маҳорат бобида устунлик қилиб, икки бор ҳисобда олдинга чиқиб олган бўлсада, шаҳрихонликлар ҳам бунга ўз вақтида жавоб бера олди. Учрашувнинг асосий таймларида дуранг натижа қайд этилди ва мусобақа низомига мувофиқ ғолиб жамоа пенальтилар серияси орқали аниқланди. 

Лотореяда “Пойтуғ” футболчиларининг омади чопди. Аниқроғи яқинда Тошкентнинг “Яшнаобод” жамоасидан таклиф этилган бўйдор дарвозабон Абдукарим Муҳамедов “Фарзиё” футболчиси Умарбек Тўхтасиновнинг йўллаган зарбасидан сўнг тўпни қайтариб, жамоасининг ғалабасини таъминлади. Шаҳрихонликларнинг ушбу биргина хатоси якунда “Пойтуғ”га “Ҳоким Кубоги”да ғолиб чиқишини таъминлаб юборди. 

Баҳс якунлагач, совриндор жамоаларга ва турли номинацияларда “Энг яхши” деб топилганларга кубок, медал, диплом ва эсталик совғалар топширилди.

20.01.2020 йил

“Андижон вилояти Ҳокими Кубоги-2021”. Финал.

“Пойтуғ”“Фарзиё” 2:2 (1:0) пен.б. 5:4.

Ҳакамлар: Акмал Раҳимов, Хушнуд Суюнбоев, Шохруҳ Акромов, Лочин Долимов.

Назоратчи: Тоир Низомов.

Голлар: Искандар Исмоилов. Аслиддин Абдумухторов – Муҳаммадкомил Низомов. Умарбек Тўхасинов. 

“Пойтуғ”: Абдукарим Муҳамедов, Қобилжон Абидов, Муҳаммадали Турсунов, Даврон Турсунов, Зийнатилло Икромжонов, Аслиддин Абдумухторов, Шукурулло Пўлатов, Шохруҳ Раҳмиддинов, Саид Маҳаммадинов, Омаджон Қодиров, Искандар Исмоилов.

Захира: Отабек Муллажонов, Ўлмас Ниёзов, Алёр Ҳасанбоев, Дамир Жамалдинов, Абдуқодир Маматисақов, Ҳасанбой Тўхтасинов, Амирхон Файзиев.

“Фарзиё”: Баракатилло Исроилов, Элёрбек Маматов, Илҳом Абдуғаниев, Муҳамадкомил Низомов, Абдуқаҳҳор Назиров, Акмал Юлдашев, Музаффар Шербоев, Дилшод Юсуфжонов, Жаҳонгир Маҳсудов, Элбек Юлдашев, Умар Тўхтасинов.

Захира: Машхур Мирзаев, Низомитдин Исроилов, Аббос Абдуллаев, Ҳотам Ҳайдаров, Абубакир Айсаров, Зокир Нажимов

Rating: +1   

Comments

championat.asia
< show latest news
Яндекс.Метрика