Пике, Бускетс ва Альба "Барса"да навбатдаги маошлар қисқаришига қарши. Улар аллақачон икки бор бунга рози бўлишган

Олдинроқ, "кўк-анорранглилар" янги футболчиларни рўйхатдан ўтказиш учун қишда келган ва яқинда шартномасини узайтирганлардан ташқари барча ўйинчиларнинг маошини 50%га туширмоқчи эканлиги хабар қилинган эди.

Жамоа сардорлари Серхио Бускетс, Жерар Пике ва Жорди Альба бундай чора-тадбирларга қарши. Улар олдин ҳам икки бор бунга рози бўлишган ва энди маошларнинг яна қисқариши улар учун эмас деб ҳисоблашмоқда.

Агар "Барса" раҳбарияти маошларни тушириш борасида ушбу ўйинчиларга мурожаат қилса, улар буни рад этишади.

50 фоиз маош қисқариши билан шартномасини узайтирган тўртинчи сардор Сержи Робертонинг бу борадаги позицияси ҳозирча номаълум.