Ўзбекистон миллий терма жамоаси ўқув-машғулот йиғинини бошлади
04 oct 2020 12:05
News

Ўзбекистон миллий терма жамоаси ўқув-машғулот йиғинини бошлади

Эрон ва БAAга қарши ўртоқлик учрашувлари олдидан Миллий жамоамизнинг октябр ойидаги ўқув-машғулот йиғинига старт берилди.

Чақирув олган бир неча нафар футболчи бугун МТЖ ихтиёрига келиб қўшилди. Кун аввалида улар коронавирусга қон таҳлили топширди. Таҳлил натижаларга кўра ҳеч бир футболчида коронавирус инфекцияси аниқланмади.

Шундан сўнг Вадим Aбрамов бошчилигидаги жамоамиз "Бунёдкор" академияси майдонида машғулот ўтказди.

Режага кўра МТЖ вакиллари келаси ҳафта аввалидан тўлиқ таркибда машғулотларни давом эттиради.