Неъматилло Қуттибоев: "Захираларсиз 11 нафар футболчини охиригача ўйнатмоқчи эдик"

Ўйин ҳақида

- Оғир ўйин ўтказдик. "Олимпик MobiUz” менинг фикримча, Про-лигадаги энг яхши жамоалардан бири. Таркибида иқтидорли ёшлар бор, улар ўйиндан ўйинга кучайиб бораверади. Рақибнинг голига тезкор жавоб бера олдик. Иккинчи голимиздан сўнг йигитларда ғалабага ишонч пайдо бўлди. Яхши ўйин кўрсатдик, жамоамиз йигитларига рахмат айтаман. Шунингдек, жамоамиз мухлисларини ҳам ғалаба билан қутлайман.

- Мажбурий ўзгаришлар ҳақида фикрингиз қандай?

- Айни кунларда параллел тарзда универсиада мусобақалари ҳам бўлиб ўтмоқда. Жамоамиз таркибидан жалб этилган футболчилар ҳам бор. Захирамизда асосан эндигина жароҳатдан қайтган футболчилар ўтиришибди. Мажбурий ўзгаришларни амалга оширдик, аслида 11 нафар футболчини охиригача ўйнатиш режамизда бор эди.

- "Олимпик Mobiuz” жамоасида аввалги мавсумдан қандай фарқ сездингиз?

- Бу ҳақида айтдим, бу жамоа таркиби ёш футболчилардан иборат. Ўйиндан ўйинга қўшиб бораверишади. Жамоада аввалги мавсумдагиган кўра ўсиш кузатилади албатта.