МЮ собиқ мураббийи Санчо ҳақида: "У машғулотларда энг зўрларидан бири эди, лекин..."

Маккарти 2022-2024 йилларда Эрик тен Хаг мураббийлар штабида ишлаган.

"Жейдон машғулотларда энг зўрларидан бири эди. У жамоага ақлбовар қилмас сифат, қобилият ва маҳорат билан келганди.  У бизни ҳайратда қолдириши ва исталган жойда тўхтаб, ўзига савол бера олиши керак эди.

Менимча, ёпиқ одамлиги сабабли у ўзига ўзи ёрдам бера олмади. У ўзи бошқалар билан дўст бўлишни истамади, у машғулотларда ҳазиллашмасди, доимо жим бўлиб юрарди.

Унинг маҳоратидан келиб чиқиб, машғулотларда муаммолар бўлган дея олмайман. У ўзи табиатан одамови бўлган, машғулотлар тугаши билан ҳеч кимга гапирмасдан уйига кетарди. У жуда ёпиқ одам.

Эрик тен Хаг эса уни доимо энг яхши жисмоний ҳолатда бўлишини истарди. Душанбадан жумага қадар, ҳар куни... Менимча исталган мураббий шундай бўлишини истайди ва футболчиларига доимо имконият беради. Қачонки барчаси чегарадан ўтиб кетсагина ўртада муаммолар бўлиши керак.

Мураббий сифатида Жейдон ҳақида ёмон гаплар гапира олмайман. Унинг машғулотлардаги ҳаракатлари менга ёқарди, унга қарши ўйнаганларга эса доимо қийин бўлган", - деди Маккарти.