Миржалол Қосимов: "Имконият берилдими, футболчи ўзини кўрсатиши керак"
28 may 2014 08:30
News

Миржалол Қосимов: "Имконият берилдими, футболчи ўзини кўрсатиши керак"

Кеча бўлиб ўтган Ўзбекистон - Уммон учрашувидан сўнг терма жамоамиз бош мураббийи Миржалол Қосимов ўйин таассуротлари бўйича қисқача тўхталиб ўтди.

"Бугунги учрашувда ёшларга кўпроқ имконият берилди. Ўзи бу каби ўртоқлик учрашувлари терма жамоага таклиф этилган янги футболчиларни кўрикдан ўтказиб олиш учун керак. Бундай ўйинлар қанчалик кўп бўлса, шунча яхши.

Энди битта ўйин билан ёш футболчи ўзини тўлақонли намойиш қила олмайди. Лекин имконият тақдим этилганини ҳис қилиб, бундан максимал даражада фойдаланишга ҳаракат қилмоғи лозим. Чунки, ҳар доим ҳам бундай имконият юзага келмаслиги мумкин.

Бугун терма жамоада етти нафар футболчи дебют ўйинларини ўтказишди. Ҳозир ўйин видео тасмасини кўриб чиқамиз ва шундан сўнг керакли хулосаларни чиқариб олишим мумкин. Шунга қараб, 29 май кунги учрашувда қайси футболчиларга имконият берилишини чамалаб оламан.

Камолиддин Алимов

Link :

Source : championat.asia

Receive latest football news directly on your phone. Subscribe for our Telegram channel!

Rating: