"Металлург" "Нефтчи" футболчисини ўз таркибига қўшиб олди
07 jul 2022 19:02
News

"Металлург" "Нефтчи" футболчисини ўз таркибига қўшиб олди

ЎзПФЛ матбуот хизмати яқиндагина "Нефтчи"дан кетган Анваржон Ғофуровнинг янги жамоасини маълум қилди.

Унга кўра, ҳимоячи ушбу мавсумни "Металлург" таркибида якунлайди. Марказий ҳимоячи бекободликлар билан 5 ойлик шартнома имзолади.

Анваржон Ғофуров жорий мавсум Суперлигада12та учрашувда майдонга тушди ва 4 маротаба сариқ карточка билан жазоланди. Ўзбекистон кубогида 3та учрашувда ҳаракат қилди.

Эслатиб ўтамиз, 2 июль куни Анваржон Ғофуровнинг "Металлург"га ўтиши мумкинлиги ҳақида хабар бергандик.