"Манчестер Юнайтед" ходимлари Европа Лигаси финалига бепул чипта олмайди

Кўпчилик ходимлар учун Манчестерда ўйинни томоша қилиш имконияти ташкил этилади, бунга меҳмонлар ҳам таклиф қилинади. "Daily Mail"нинг хабар беришича, ҳар бир ходимга иккита бепул ичимлик берилади, меҳмонлар эса ичимликларни ўз ҳисобидан сотиб олишлари керак бўлади.

МЮ нуқтаи назаридан, ходимларга эмас, балки мухлисларга устуворлик берилмоқда. Бунинг сабаби шундаки, чипталар катта талабга эга ва агар мавжуд чипталарнинг катта қисми томошабинларга эмас, балки клубда ишловчиларга берилса, мухлислар норозилик билдириши мумкин.

"CentreDevils" чипталар билан боғлиқ масала ҳақида хабар қилгач. бу баъзиларнинг кучли норозилигига сабаб бўлганди.

Шу билан бирга, "Тоттенхэм" бошқача йўл тутди. Уларнинг ҳар бир штатдаги ходими битта бепул чипта олиш ҳуқуқига эга бўлади. Тахминларга кўра, бу таклиф 700 га яқин ходимга берилган.

Аввалроқ ПСЖ президенти Носир Ал Ҳелайфи клубдаги тахминан 600 нафар ишчисининг ЕЧЛ финали учун йўл харажатларини ўз ёнидан тўлашини маълум қилиб, шов-шув кўтарган эди.