"Ланс" директори: "Ҳусановнинг трансфери ўзига хос рамзий маънога эга"
24 jul 2023 21:01
News

"Ланс" директори: "Ҳусановнинг трансфери ўзига хос рамзий маънога эга"

"Ланс" клуби бошқарувчи директори Арно Пуил жамоанинг янги аъзоси — Абдуқодир Ҳусанов ҳақида фикр билдирди.

"Битим ўзига хос рамзий маънога эга, чунки “Ланс” сафида илк бор Марказий Осиёдан ташриф буюрган футболчи ўйнайди. Истеъдодли Абдуқодирнинг ҳаракатлари бизда катта қизиқиш уйғотди. 19 ёшни қарши олган забардаст ўзбек йигити халқаро миқёсда ўйинни ўқиш қобилияти билан аллақачон кўзга ташланган.

Албатта, унинг Францияга келиши ҳаётидаги катта ўзгаришларга сабаб бўлади. Шунга қарамай, ҳимоячининг салоҳияти ва мустаҳкам интеграциялаш қобилиятига ишонч ҳосил қилдик. Шаклланиб бориши учун Ҳусанов ходимлар ва тажрибали жамоадошларининг кўмаги ва йўл-йўриқларига таяниши мумкин бўлади", деди Пуил.

Эслатиб ўтамиз, Абдуқодир Ҳусанов "Ланс" билан 4 йиллик шартнома имзолади.

Link :

Source : rclens.fr

Receive latest football news directly on your phone. Subscribe for our Telegram channel!

Rating: +57