Жуд Беллингем: "Биз Хаби Алонсо биланмиз. Эртага реванш олишга ҳаракат қиламиз"

"Атлетико"дан 2:5 ҳисобида мағлуб бўлганимиздан кўп хулоса чиқардик. Реванш оламиз.
Эртага мағлуб бўлсак, Хаби Алонсо истеъфога чиқдими? Бу бизга боғлиқ эмас. Мен фақат ўзимдан келиб чиқиб айтишим мумкинки, биз Хаби Алонсо биланмиз. Барчамиз унинг ортидамиз. 
Вини ажойиб ўйинчи. 17 та ўйинда 0 та гол? Бу вазиятни тўлиқ очиб бера олмайди. У ҳар доим ўйинни қуради, ассист беради ва хавф яратади. Биз унга ёрдам беришимиз керак. 

Олдинги мавсумдан кўра кам гол ураётганим бор гап. Бошида мен жарима майдонига яқин ўйнардим. Ҳозир, Килиан келганидан кейин мен ортроқда ўйнаяпман. 

Хаби Алонсо доимгидек позитив. Олдин ҳам айтганман, ҳозир ҳам айтаман: биз Хаби Алонсо биланмиз.

"Реал"га кўпроқ инглиз футболчилар келишини сўраганманми? Бўлмаган гап. Бирор ўйинчида бунақа ҳуқуқ бўлмаса керак.

Нодирхўжа Юлдашев, Жидда шаҳридан эксклюзив