Исак "Ливерпуль" сафидаги биринчи голи ҳақида: "Бу лаҳзани узоқ вақт кутишга тўғри келганини тушунаман"
01 dec 14:25
News

Исак "Ливерпуль" сафидаги биринчи голи ҳақида: "Бу лаҳзани узоқ вақт кутишга тўғри келганини тушунаман"

"Ливерпуль" ҳужумчиси Александер Исак Англия Премьер-лигасининг 13-турида "Вест Хэм" устидан 2:0 ҳисобида сафарда қозонилган ғалаба ҳақида фикр билдирди.

Исак 60-дақиқада гол урди. Бу унинг мерсисайдликлар таркибида урган АПЛдаги биринчи голи бўлди.

"Бу лаҳзани узоқ вақт кутишга тўғри келганини тушунаман ва мен энг яхши формамга қайтишга ҳаракат қилдим. Мен ҳали ҳам шу йўлдаман, лекин гол урганимдан хурсандман. Бу ғалаба яхшиликка хизмат қилсин, Биз оғир даврни бошдан кечирганимизни инобатга олсак, битта ғалаба қайтганимизни англатмайди", – деди швециялик форвард.

"Ливерпуль" барча мусобақалардаги кетма-кет уч ўйиндаги мағлубиятли сериясига чек қўйди ва 13 ўйиндан сўнг 21 очко билан Англия чемпионати жадвалида саккизинчи ўринга кўтарилди. "Қизиллар" 3 декабрь куни 14-турда "Сандерленд"ни қабул қилади.

Link :

Source : Sky Sports

Receive latest football news directly on your phone. Subscribe for our Telegram channel!

Rating: