Ҳусниддин Нишонов: “Бундан буёғига очко йўқотишга ҳаққимиз йўқ”
28 dec 2021 20:35
News

Ҳусниддин Нишонов: “Бундан буёғига очко йўқотишга ҳаққимиз йўқ”

Tags : Ҳусниддин Нишонов "Ҳуахин-Жиззах"Футзал бўйича Олий лига

Футзал бўйича Олий лиганинг 4-тур учрашувлари якунланди. “Ҳуахин-Жиззах” клуби турнир жадвалида АГМК ва “Локомотив” клубларидан кейин 3-ўринда бормоқда.

Ортда қолган ўйинлар хусусида жиззахликлар етакчиси Ҳусниддин Нишонов билан суҳбатлашдик.

“Ортда қолган баҳслар жуда яхши ўтди. Иккита учрашувда ҳам ғалаба қозондик. Бундан буёғига очко йўқотишга ҳаққимиз йўқ, чунки чемпионлик учун курашмоқдамиз. Шу боис очко йўқотмаслигимиз ва керакли бўлган ғалабаларни қўлга киритишда давом этишимиз лозим.
Ҳозир ҳисобимизда иккита мағлубият бўлса-да, буни жамоамизга қанчалик таъсир қилишини мавсум якунида билиб олишимиз мумкин. Мавсум сўнгида тўплаган очколаримиз миқдорига қараб, бу мағлубиятлар ҳақида гапириш мумкин бўлади.
Чемпионат узоқ давом этади. АГМК ва “Локомотив” ҳам чемпионликни қўлга киритишни мақсад қилган. Уларга бу йўлда омад тилайман. Улар қатори биз ҳам охиригача ҳаракат қиламиз”, – дея сўзини якунлади Нишонов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4