Ҳаким Фузайлов: "Урганчдаги стадионда битта камчилик қолди холос"

"Машъал" яхши жамоа, Асрор Алиқуловни анчадан бери биламан. У қаерда ишласа ҳам футболчилар билан яхши ишлайди. Шу сабаб қийин ўйин кутгандик. Шундай ҳам бўлди. 

Урганчдан келган мухлисларимизга ҳам раҳмат айтаман. Футболчиларимга охиригача ўйнашгани учун миннатдорлик билдираман. Ҳисоб ўйинга мос эмас, баҳс оғир ўтди, - деди Ҳаким Фузайлов. 

- Рустам Абдуҳамидов бугун кўринмади... 

- У жароҳат олган. Менимча, "Пахтакор" билан баҳсга тайёр бўлади. 

- "Хоразм" қачон Урганчда ўйнайди? 

- Менимча июнь ойи охири ёки иккинчи давра бошидан. Билишимча стадионда барчаси тайёр, фақат ВАР тизимини кутяпмиз.