Ҳаким Фузайлов: «Самарқанддек катта вилоят ва шаҳар янада кучли таркиб ва юқори ўринларга муносиб»
20 apr 2021 21:51
News

Ҳаким Фузайлов: «Самарқанддек катта вилоят ва шаҳар янада кучли таркиб ва юқори ўринларга муносиб»

Ўзбекистон кубоги 1-тури доирасидаги «Бухоро» - «Динамо» (1:1) учрашувидан кейин дастлаб меҳмонлар бош мураббийи Ҳаким Фузайлов ўйин борасидаги фикрларини билдирди.

«Бухоро» Про лигага чиқиш учун асосий даъвогарлардан бири саналади. Ўйин қарама-қарши ҳужумлар остида кечди. Ўйлайманки, фақат биз учун эмас мухлислар учун ҳам қизиқарли баҳс бўлди. Ўйиндан кейин барчасини яна таҳлил қиламиз. Бугун гол уришимиз керак бўлган вазиятларда хатоларга йўл қўйдик. Акс ҳолда ҳисоб бошқача бўлиши мумкин эди.

Мавсум бошида йиғилган таркибдан кўнглим тўлдими? Имконқадар таркибни яхшилашга интилдик. Молиявий имкониятларимиздан келиб чиқиб, таркиб жамладик. Олдимизда Суперлигага чиқиш вазифаси турибди ва шу йигитлар билан мақсад сари интиламиз. Умуман олганда эса Самарқанддек катта вилоят ва шаҳар янада кучли таркиб ва юқори ўринларга муносиб. Давралар оралиғида иложини топсак, таркибни яна кучайтиришимиз керак», - дейди Ҳаким Қаюмович.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: +1