Гвардиола "Ливерпул"га қарши ўйиндаги мағлубият ҳақида ўз фикрлари билан ўртоқлашди

Учрашувнинг 76-дақиқасида Муҳаммад Салоҳ томонидан киритилган гол Юрген Клопп жамоасига принципиал курашда минимал ғалаба келтирди.

“Яхши ўйин ўтказдик, бироқ рақиб бизни хатомиз учун жазолади. Бу голни ўтказиб юбормаслигимиз керак эди. Ҳар сафар "Энфилд"да қадам босганингизда, қаерга келганингизни яхши англайсиз. Афсуски, имкониятни бой бердик. Мухлислар менга тангалар ва турли буюмларни улоқтиришди, лекин менга зарар етмади. Балки кейинги сафар улар аниқликни ўрганар”, — деди Гвардиола ўйиндан кейинги интервьюсида.

Бугунги муваффақиятсизликдан сўнг, "шаҳарликлар" турнир жадвалида пешқадамлик қилаётган "Арсенал" билан орадаги фарқ ҳисобланган тўрт очкони қисқартира олмади. "Ливерпуль" эса 13 очко билан 8-ўринда бормоқда.