Гари Невилл: "Бугун топ-футболчилар МЮга ўтишни истамаяпти"

"Ман Юнайтед" учун энг катта муаммо ҳозир топ-футболчилар бу ерга келиши учун мотивация топа олмаяпти. Охирги 10 йилда клуб "футболчилар қабристони"га айланди. Нисбатан ёмон бўлмаган обрў билан келиб, муваффақиятга эриша олмаган қанча футболчини кўрдик. Бу ҳолат маҳаллий футболчилар билан ҳам, легионерлар билан ҳам юз беряпти.

Мен "Валенсия"дан қайтганимда, тахминан, 2016 йил апрели эди, учрашувлардан бирига ташриф буюрдим. У Луи ван Галнинг охирги ўйинларидан бири эди. Сешанба оқшоми, рақиб эса "Кристал Пэлас" ва стадионнинг ярми бўш эди. "Бу огоҳлик қўнғироғи", деган фикр ўтди ўшанда.

Бугун, ўйин тугашига 5 дақиқа қолганида 74 минглик стадионда 25 минг мухлис қолиши тен Хаг учун жиддий муаммо. Бундай давом этиши мумкин эмас. Ўйлашимча, Эрикда барчасини ўзгартириш учун яна бир неча ой вақт бор.

Бироқ ноябрь ойининг охиригача МЮ саккизинчи поғонадан юқорида бўлиши керак, декабрда эса ТОП-4 ёки бешликка кириши шарт. Агар тен Хаг рождествогача жамоани мана шу ўринларгача олиб чиқа олмаса, муаммолар гирдобида қолади".

Аввалроқ, МЮнинг собиқ ярим ҳимоячиси клуб ишқибозларига умуман ёқмайдиган интервью берганди.