Флик: "Биз тўғри йўлдамиз, ҳали яна қўшишимиз мумкин"

Ўйинда 2:2 ҳисоби қайд этилди, пенальтилар сериясида эса миланликлар 4:3 ҳисобида устун келишди. Ана шу беллашувдан кейин каталонияликлар бош мураббийи Ханс-Дитер Флик фикрларини билдириб ўтди.

"Қачонки биз ҳаммамиз кучли прессинг қилсак, бу бизга керак бўлган нарса. Баъзида жасоратлироқ бўлишимиз зарур, чунки бу керак.

Танаффусдан кейин қўшдик, айрим хатоларимизни тўғриладик. Биз ажойиб тарзда прессинг қилдик, бутун жамоа бир бўлиб ишлади ва бу айни биз хоҳлаётган нарса. 2-бўлимда бизда бир нечта голли вазиятлар бўлди ва биз рақибга муаммолар туғдирдик.

Жамоам ҳимояда ҳам, ҳужумда ҳам биргаликдаги жамоавий ҳаракатлардан завқ олишини хоҳлайман. ЛаЛига доирасидаги илк ўйинимизга 10 кун қолди, биз тўғри йўлдамиз, лекин ҳали яна анча қўшишимиз мумкин", - деди "Барселона" устози.