“FIFA The Best-2022”. Асосий номинацияларда ким қанча овоз тўплагани маълум

Йилнинг энг яхши футболчиси учун овоз бериш жараёнида Лионель Месси 52 балл тўплади. Унинг ПСЖдаги жамоадоши Килиан Мбаппеда 44, амалдаги “Олтин тўп” соҳиби Карим Бензема эса 34 очкога лойиқ кўрилди.

Йилнинг энг яхши мураббийи бўлган Аргентина ТЖ устози Лионель Скалони 28 балл тўплади. Карло Анчелотти (“Реал”)да 17, Пеп Гвардиола (“Ман Сити”)да эса 12 очко бор эди.

Аргентина ТЖ билан жаҳон чемпионлигини қўлга киритган “Астон Вилла” кипери Эмилиано Мартинес 28 балл билан йил дарвозабони номинациясида ғолиб бўлди. Йил рамзий жамоасида ўрин олган Тибо Куртуа (“Реал”, Белгия)да 20, Марокаш ҳамда “Севилья” посбони Яссин Буну 14 очко жамғарди.