Февзи Давлетов: "Иккинчи таймнинг дастлабки 30 дақиқасини жуда ёмон ўтказдик. Натижа эса адолатли бўлди"

- Ўйин ҳақида

- Бугун икки жамоа ҳам ғалаба қозонишни истаётганди. "Локомотив" бугун кўпроқ иштиёқ билан ўйнади. Биринчи бўлимда яхши вазиятлар ярата олдик, аммо иккинчи таймда ёмонроқ ўйнадик. Кўп хатоларга йўл қўйдик. Гол ўтказиб юборганимиздан сўнг ҳужумга ўтишга мажбур бўлдик.

- Биринчи бўлимда жамоангиз яхши ўйнади ва гол урган. Танаффусдан кейин жамоангиз ўзига ўхшамади ва жуда ёмон ўйнади. Бунга сабаб нима?

- "Бунёдкор" ва "Динамо"га қарши кечган учрашувларда ҳам худди шундай хатога йўл қўйган эдик. Оддий вазиятларда тўпни юқотаяпмиз. Хатоларга кўпайгани сабабли ҳисобни ушлаб қолишга ҳаракат қила бошладик. Бу руҳиятга боғлиқ.

- Шоҳжаҳон Султонмуродов ҳолати ҳақида маълумот бера оласизми? У бир нечта учрашувдан буён майдонда кўринмаяпти ва бугунги учрашувда қайдномада эмас эди.

- У асосий таркибда ўйнай оладиган спорт формасида эмас.

- Нимели сўнги учрашувларда майдонга туша бошлади. У жароҳатидан фориғ бўлдими? Бугун майдонда Егор Кримецни кўрдик. Кримец ҳам жароҳатдан тузалдими?

- Сильванусни секин асталик билан таркибга қўшиб бормоқдамиз. Уни тезроқ ўтган мавсумдаги спорт формасига қайтаришга интилмоқдамиз. Кримец ҳам сафга қайтди. "Динамо" қарши кечган баҳсдаёқ Егорни майдонга туширмоқчи эдик, аммо улгурмадик. Егор тажрибали ҳимоячи ва бизга кўп ёрдам беришига ишонаман.

- "Сурхон" жамоаси бугунги учрашувда бир очко ишладими ёки икки очко йўқотдими?

- Биринчи бўлимда ғалаба қозонаётган эдик. Танаффусдан сўнг ўйинимиз ёмонлашди. Натижа адолатли бўлди. Биз иккинчи таймда 30 дақиқа жуда ёмон ўйнадик. Ўзимиз айбдормиз.