Фарруҳ Икромовнинг жарроҳлик амалиёти муваффақиятли ўтди
01 oct 2021 20:11
News

Фарруҳ Икромовнинг жарроҳлик амалиёти муваффақиятли ўтди

Ўзбекистон терма жамоаси футболчиси Фарруҳ Икромов Швецияга қарши ўртоқлик учрашувида жароҳат олганди. Ўзбекистон футбол ассоциацияси уни даволаш учун Италиянинг машҳур жарроҳларидан бири Паоло Марианини жалб этгани ҳақида хабар берилганди.

Футболчимиз Италия пойтахти Римда "Вилла Стюарт" клиникасида профессор Мариани томонидан операция қилинди. Маълум бўлишича, жарроҳлик амалиёти муваффақиятли амалга оширилган ва айни пайтда ҳужумчимиз ўзини яхши ҳис қилмоқда.

Бугун Ўзбекистоннинг Италиядаги фавқулодда ва мухтор элчиси Отабек Акбаров футболчимиз ҳолидан хабар олиш учун касалхонага ташриф буюрди ва Фарруҳ Икромовга саломатлик тилаб, тезроқ соғайиб кетиши учун керакли ёрдам беришга тайёрлигини билдирди.

Link :

Source : ufa.uz

Receive latest football news directly on your phone. Subscribe for our Telegram channel!

Rating: +11