Денис Коростиченко: "Ўзимизнинг энг яхши ўйинимизни кўрсатмадик, лекин ғалаба қозонишни уддаладик"

- Ўйин ҳақида

- Ҳаммани ғалаба билан табриклайман. Ўйин осон бўлмади. Йигитлар бу ўйин муҳимлигини яхши тушинишди. Ўртада Про лига ғолиблиги бор эди. Биз ўзимизнинг энг зўр ўйинимизни кўрсатмадик, лекин ғалаба қозонишни уддаладик.

- Бугунги ғалабадан кейин "Навбаҳор-фарм"га қарши ўйинга қандай таркиб олиб борилади?

- Кўрамиз, бизда 10 кун бор. Олег Зотеев ўйнамаслиги аниқ. Бошқа йигитлар тайёр бўлишса, шунга қараб таркиб танлаймиз. Иккинчи таркибга имкон берамиз деб айта олмайман. Кам ўйин амалиётига эга бўлганларга имконият берилиши мумкин. Кўрамиз, албатта. 

- Олег Зотеевнинг жароҳати ҳақида...

- Мен олдин ҳам айтгандим. Ҳакамларнинг қарорини муҳокама қилмайман. Бунга жавобгар шахслар бор. Унинг қизил карточкасига келсак, шахсий фикримча, бу бироз абсурд ва кулгили вазият. Қандайдир сўзлар учун қизил карточка бериш, билмадим. Бу ҳақида гапиришни истамайман.

- Зотеевнинг ҳозирги ҳолати қандай?

- Ҳаммаси жойида. "Машъал" ва "Шўртан"га қарши ўйинлардан сўнг унинг оёғини тикишганини айтмаса, ҳаммаси яхши. Ў ўзини яхши ҳис қилмоқда.