Де ла Фуэнте тақвим ҳақида: "Иккиюзламачилик бўлмаслиги керак"

"Ўйинлар жуда кўп. Бу тақвим тузилганда маълум бўлади. Футболга алоқадор барча манфаатдор томонлар музокара столига ўтириб, ўйинлар сонини таҳлил қилиб, ечим топишлари керак. Февралда ўйинлар сони кўп деб айтмоқ адолатсизлик – биз буни июлда биламиз.

Агар ҳаммаси давом этадиган бўлса фақат барча томонлар розилиги билан амалга ошиши керак. Менга илтимослар билан мурожаат қилишнинг ҳожати йўқ. Бу менинг ишим эмас, мендан ҳеч ким сўрамади. Томонлар жуда кўп, улар ўзаро келишиб олишсин.

Фақат иккиюзламачилик бўлмаслиги керак. Июлда маълум бўлган тақвимга октябрда шикоят қилишнинг ҳожати йўқ", – деди Испания терма жамоаси бош мураббийи.