CA TV: Баҳодир Насимов: “Ўйлашимча, биз БАА термасидан кучлироқмиз”

Озарбайжоннинг “Нефтчи” клубида фаолиятини давом эттираётган Баҳодир Насимовнинг бу ўйиндан умиди катта. Футболчи бу ҳақда сайтимизга ҳам айтиб ўтди.


-   Баҳодир, ўйинга тайёргарлик қандай кетяпти?
-   Ҳаммаси режа асосида бўляпти. Тайёргарлик ҳам, кайфият ҳам жойида. Насиб қилса, мухлисларни хурсанд қилишга ҳаракат қиламиз.
 
-   Маълумки, ҳар икки жамоа ҳам Осиё Кубоги масаласини ижобий ҳал қилган. Бир қарашда ўйиннинг аҳамияти унчалик юқори эмасдек. Бу борада сиз қандай фикрдасиз?
-   Биз ўйин ва рақиб ажратмаймиз, барча беллашувларга бир хилда тайёргарлик кўрамиз. Ким билан тўп суришимиздан қатъий назар, ғалаба ғозонишга интиламиз. Навбатдаги баҳс ҳам бундан мустасно эмас. БААга қарши учрашувда ғолиб бўлиш биз учун жуда муҳим.

-   БААни кучли жамоа деб ҳисоблайсизми?
-   Тўғри, улар ҳам ёмон эмас, лекин ўйлашимча, биз улардан кучлироқмиз.
 
-   Рақиб сафида кимни алоҳида ажратиб кўрсата оласиз?
-   БАА термасида кучли футболчилар кўп, бир ёки икки нафар эмас. Лекин футбол жамоавий ўйин бўлгани учун улар жамоа сифатида яхши шаклланган деган бўлардим.

Х.Холиқов суҳбатлашди.