Бускетсни алмаштирадиган асосий номзод номи очиқланди
21 sep 2022 16:54
News

Бускетсни алмаштирадиган асосий номзод номи очиқланди

"Реал Сосьедад" ярим ҳимоячиси Мартин Субименди – "Барселона"нинг Серхио Бускетс ўрнига олиб келиниши мумкин бўлган биринчи рақамли нишони.

Бу ҳақда Каталония медиасининг турли манбалари бонг урмоқда. 23 ёшли Субимендининг "Аноэта"даги шартномаси 2025 йилга қадар ўз кучида бўлади. Футболчининг товон пули 60 млн еврони ташкил этади. "Сосьедад" бу суммани катталаштириш ниятида.

Мартин терма жамоалар ўртасидаги халқаро ўйинлар ниҳоясига етгач, клубдаги 100-ўйинини ўтказишга яқин турибди. Луис Энрикенинг энг охирги таркибига жалб этилмаганига қарамай, футболчи аллақачон Испания термаси либосида битта ўйин ўтказган.

"Барселона" Бускетсдан кейинги ҳаётга ҳозирлик кўрмоқда. 34 ёшли таянч ярим ҳимочисининг Каталония клуби билан битими келаётган ёзда тугайди.

Link :

Source : Mundo Deportivo

Receive latest football news directly on your phone. Subscribe for our Telegram channel!

Rating: