"Боруссия Дортмунд" Забитцер трансферини эълон қилди
24 jul 2023 23:01
News

"Боруссия Дортмунд" Забитцер трансферини эълон қилди

Австриялик ярим ҳимоячи Марсель Забитцер "Бавария"дан Дортмунднинг "Боруссия"сига ўтди. Бу ҳақда “асаларилар” расмий сайти хабар берди.

"Австрия терма жамоасининг 29 ёшли вице-сардори бугун Дортмундда тиббий кўрикдан ўтди, шундан сўнг у 2027 йилнинг 30 июнигача амал қиладиган шартномага имзо чекди", - дейилади клуб баёнотида.

Эслатиб ўтамиз, футболчи 2022/2023 йилги мавсумнинг иккинчи ярмини “Манчестер Юнайтед”да ижара асосида ўйнади. У "қизил иблислар" сафида барча мусобақаларда 18 та ўйинда майдонга тушиб, 3 та гол ва битта голли узатмага муаллифлик қилган.