Бензема "Ал Иттиҳод" йиғинларидан четлатилди

Бу қарорни жамоа бош мураббийи Марсело Гальярдонинг ўзи чиқарган.

Кичик таътилдан кейин "Ал Иттиҳод" футболчилари жума куни Жиддада йиғилишлари керак эди, бироқ форвард етиб бора олмаган. Шу сабабли франциялик футболчи Дубайда бошланадиган йиғинларни ўтказиб юборади.

Олдинроқ Бензема жамоанинг декабрь ойидаги 3 машғулотида ҳам қатнашмаганди. Ҳужумчи атрофидагиларнинг айтишига кўра, Маврикийдаги циклон сабабли Бензема Саудия Арабистонига боролмаяпти.

"Ал Иттиҳод" мамлакатнинг амалдаги чемпиони ҳисобланади. Бироқ жамоа ушбу мавсумни яхши ўтказа олмаяпти. 19 турдан кейин жиддаликлар пешқадам "Ал Ҳилол"дан 25 очкога ортда қолган ҳолда 7-ўринни эгаллаб турибди.