"Барселона" Гедешни "бўрилар"дан ижарага олиши мумкин. Хави "Валенсия" собиқ хавбеки билан гаплашди
19 jan 2023 15:39
News

"Барселона" Гедешни "бўрилар"дан ижарага олиши мумкин. Хави "Валенсия" собиқ хавбеки билан гаплашди

Ярим ҳимоячи Гонсалу Гедеш трансфердан 6 ой ўтиб "Вулверхэмптон"ни тарк этиши мумкин.

"AS" нашри хабарига кўра, "Барселона" футболчини сотиб олиш имкониятини кўриб чиқмоқда.

"Кўк-анорранглилар" бош мураббийи Хавининг таъкидлашича, клуб "Атлетико"га ўтаётган Мемфис Депайнинг ўрнига имкон қадар тезроқ муносиб футболчи топиши керак. 42 ёшли мутахассис аллақачон Гедеш билан гаплашган ва уни "Барселона" лойиҳаси истиқболига ишонтирган. "Валенсия" собиқ хавбекининг ўзи ҳам трансферга қизиқиб қолган.

Каталонияликлар молиявий чекловлар туфайли португалияликни сотиб олиш ҳуқуқи билан олти ойга ижара олмоқчи. Улар агент Жорже Мендеш музокараларда муҳим роль ўйнашига умид қилмоқда.

Гедеш жорий мавсум АПЛда 13 та ўйинда майдонга тушиб, 1 та гол урди.

Link :

Source : AS

Receive latest football news directly on your phone. Subscribe for our Telegram channel!

Rating: +1