Аргентина терма жамоаси халқаро мусобақалардан четлатилиши мумкин

Манбага кўра, Майли Аргентина президенти этиб сайланиши биланоқ “Шошилинч зарурат тўғрисида”ги фармонда қайд этилганидек, миллий клублар спорт акциядорлик жамиятларига айланиши мумкинлигини айтган. Бу дегани клуб ишларига бевосита давлат аралашиши мумкин.

Аргентина спорт конфедерацияси (SAPR) бу таклифга қарши чиқди, чунки Халқаро олимпия қўмитаси ва Халқаро футбол федерацияси қоидаларига кўра, ҳукуматнинг спорт муассасалари фаолиятига аралашуви учун қаттиқ жазолар назарда тутилган. Аралашув туфайли Аргентина терма жамоаси Америка кубоги ва Париждаги Олимпиада ўйинларидан четлатилиши мумкин.