"Ал Ҳилол" "Реал"га 300 миллион евро таклиф қилган. Қизиғи, Винисиус учун эмас
31 jan 16:15
News

"Ал Ҳилол" "Реал"га 300 миллион евро таклиф қилган. Қизиғи, Винисиус учун эмас

"Ал Ҳилол" бразилиялик вингер Родригони рекорд сумма эвазига сотиб олишга тайёр.

Журналист Эду Агирре "El Chiringuito de Jugones" дастурида Саудия Арабистони клуби "Реал"га Родриго трансфери учун 300 млн евро, футболчининг ўзига эса – 140 миллион евро маош таклиф қилгани ҳақида маълум қилди.

Таъкидланишича, вингер таклифни ўйлаб ҳам ўтирмай, рад этган.

"Саудия Арабистони клуби вакилларида айнан шундай режа бўлган ва у ҳали ҳам қолмоқда – Родригони сотиб олиш. Кўрамиз, ёзда воқеалар қандай ривожланаркин", – деб қўшимча қилди Агирре.

Эслатиб ўтамиз, аввалроқ Родригога "Манчестер Сити" ҳам қизиқаётгани айтилганди.

Link :

Source : Эду Агирре

Receive latest football news directly on your phone. Subscribe for our Telegram channel!

Rating: +3