Аброр Хусинов: "Ғиждувон"га қарши ўзимиз кутган даражада ўйнай олмадик"
18 mar 2022 15:02
News

Аброр Хусинов: "Ғиждувон"га қарши ўзимиз кутган даражада ўйнай олмадик"

Про лиганинг 2-туридан ўрин олган «Ғиждувон» - «Хоразм» (0:0) учрашувидан кейин меҳмонлар ҳимоячиси Аброр Хусинов фикрларига қулоқ тутдик.

“Ғалаба учун майдонга тушгандик. Лекин жамоамизга омад етишмади. Охиригача гол уриб, ғалабани илиб кетишга интилдик. Афсуски, мақсадимизга эриша олмадик. Қолаверса, ўзимиз кутган даражада ўйнай олмадик.

Чунки ўйин аввалида мураббийлар штаби бизни кўпроқ тўпни майдонда олиб юришимизни, паслар орқали футбол намойиш қилишимизни уқтирганди. Лекин ўйин давомида тинимсиз ёмғир ёғиб турди. Майдон ҳолати мураббий томонидан берилган кўрсатмани бажаришга асло йўқ қўймасди. Натижада, тўпни ердан узиб, ҳужум қилишимизга мажбур бўлдик.

Бу мавсумда имкон қадар кўпроқ ўйинларда муваффақиятга эришмоқчимиз. Жамоа ишқибозларини ғалабаларимиз билан хурсанд қилишни режалаштирганмиз", - деди Хусинов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2