Виталий Ни: "Геворкян "Насаф" учун жуда катта йўқотиш"

"Бугун фақат ғалаба учун майдонга тушдик. Охирги ўйинларда бизда қониқарсиз натижалар қайд этилаётганди. Кубок ўйини иккита ўйиндан иборат. Бугун жамоа ҳақли ғалабага эришди. "Андижон" жамоаси яхши ўйнади. Улар ҳам бугун ғалабага ҳаракат қилишди. Бироқ биз бугун ғалабани кўпроқ хоҳладик. Мухлисларимизни табрикламоқчиман.

Омадсиз натижаларнинг энг асосий сабаби жароҳатлар бўлди. Клуб тарихида бир вақтнинг ўзида бунчалик кўп жароҳатлар кузатилмаганди. Шерзод Аъзамов, Мақсуд Каримов, Шуҳрат Муҳаммадиев, Сайдулло Раҳматов, Илҳом Шомуродов, Дилшод Раҳматуллаев ва Эркин Бойдуллаевда турли жароҳатлар бор эди.

Геворкян шубҳасиз жамоа учун катта йўқотиш. У 2011 йилдан буён жамоамизнинг энг етакчи футболчиси эди. Ҳаёт шундай. Артур вазиятни ўзгартиришни истади ва "Локомотив"га ўтишга қарор қилди. Бугун Геворкян гол урди ва голли пас оширди. У ҳақиқий профессионал футболчи, - дейди Ни.

"Андижон" матбуот хизмати