Улуғбек Бакаев: "Учта янги ўйинчи билан келишиб қўйдик"
04 июн 2023 02:05
Янгиликлар

Улуғбек Бакаев: "Учта янги ўйинчи билан келишиб қўйдик"

Теглар : Улуғбек Бакаев "Бухоро""Шўртан"Ўзбекистон кубоги

Ўзбекистон кубоги учинчи туридан ўрин олган "Бухоро" – "Шўртан" учрашувидан сўнг мезбонлар бош мураббийи Улуғбек Бакаев матбуот анжуманида қатнашди.

Ўйин ҳақида

- Ўйин қизиқ бўлди. Вазиятлар ҳам кўп бўлди. Иккинчи бўлимда гол урдик, кейин ўтказиб юбордик. Минимум вазифа гуруҳдан чиқиш эди ва биз буни уддаладик. Чемпионатга тайёрланишда давом этамиз.

- "Бухоро" реализацияда оқсашда давом этмоқда. Буни тузатиш имкони борми ёки барчаси футболчиларнинг даражасига боғлиқми?

- Бугун кўрдингизки, зарбалар устун ва тўсинларга тегаверди. Энг муҳими ўсишга эришаётганимиз. Вазиятлар яратяпмиз ва ўйин картинаси пайдо бўла бошлади.

- Ёзда жамоага келадиган ўйинчиларни белгилаб олдингизми?

- Ҳа, учта янги ўйинчи билан келишиб қўйдик. Расмиятчилик қолди.

- Регламент бўйича фақат бешта ўйинчи олиб кела оласиз, тўғрими?

- Ҳа, регламент бўйича бешта. Бироқ, 20 ёшгача ўйинчиларни жамоага олиб келиш мумкин. Иккинчи даврагача барчаси аниқ бўлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +3