Сардор Рашидов: "Гуруҳдан чиқишимизга ишонаман"

Учрашув якунланганидан сўнг "темирйўлчилар" вингери Сардор Рашидов фикрларини билдириб ўтди.  

"Зоб Аҳан" жамоасига қарши учрашув анча қийин кечди. Одатда Эрон жамоалари уйда анча тажовузкор ўйин намойиш этишади. Рақибни қўлга киритилган ғалаба билан табриклайман. Лекин бугунги мағлубият "Локомотив" курашни тўхтатганини англатмайди. Зеро, олдинда ўйинларимиз кўп ва насиб этса, келгуси беллашувларда ғалаба қозониб, нимчорак финалга йўлланмани қўлга киритамиз", -  деди Рашидов.