"СА" "Классико" олдидан. Шаҳбоз Беғамов: "Реал" йирик ҳисобда ютади"

Демак, улардан иккита саволга жавоб беришни сўраган эдик. Саволлар қуйидагича.

1. "Классико"дан нималарни кутяпсиз?
2. Бугунги ўйин қандай натижа билан ниҳоясига етади деб ўйлайсиз ва нима учун?

1. Бу ўйиндан жуда қўпол ва кескин футбол кутяпман. Асосийси, жамоалар футбол ўйнашсин. Мухлисларга ёқадиган футбол кўришни истардим. Лекин бу ўйин хоҳлаймизми йўқми, Роналдо - Месси ва Бэйл - Неймар дуэлини кўрамиз. Менимча, мадридлик юлдузлар айни пайтда каталонияликдан кучлироқ ўйин кўрсатишмоқда. Бугун четлатишлар ва кўпроқ голлар бўлиши мумкин.

2. "Реал" бугун йирик ҳисобда ютади деб ўйлайман. Сабаби, Карло Анчелотти шакллантираётган жамоа айни пайтда Херардо Мартино бошқарувидаги "Барселона"дан бир бош устунроқ. Шунингдек, ўйин Мадридда бўлиб ўтади. Бу табиийки Анчелотти шогирдларига устунлик беради. "Реал"нинг ҳужум чизиғи "Барса"нинг ҳимоячиларига етарлича иш топиб беради.