Руни "Сити"нинг 2012 йилги чемпионлиги ҳақида: "Ўтказиб юборган КПР бирдан тўпни рақибга бермоқда, Сиссе "шаҳарликлар" билан ғалабани нишонлайди. Саволлар юзага келмагани эса ғалати"

"Шаҳарликлар" 2011/12 йилги мавсум сўнгги турида Серхио Агуэро ва Эдин Жекони иккинчи бўлимда қўшиб берилган вақтдаги голлар эвазига "Куинз Парк Рейнжерс" (3:2)ни мағлуб этишган эди. Роберто Манчини жамоаси қўшимча кўрсаткичларга кўра "Манчестер Юнайтед"дан ўтиб кетган ҳолда чемпион бўлганди.

"Пэдди Кенни ("Рейнжерс" дарвозабони) иккита голли вазиятда ҳам яхшироқ ўйнаши керак эди.

"Сити" иккинчи голни урмоқда ва КПР бирдан уларга тўпни қайтариб бероқда. Бу борада ҳеч кимнинг савол бермагани ғалати. Жибриль Сиссе эса умуман ўйиндан кейин "шаҳарликлар" билан бирга ғалабани нишонлади.

Аммо, ҳа, агар сиз ўша пайтда "Манчестер Юнайтед" ўйинчиси бўлмаган бўлсангиз, бу Премьер-лига тарихидаги энг ажойиб ўйинлардан бири бўлиши мумкин", - дейди манчестерликлар собиқ ярим ҳимоячиси.