Рўзиқул Бердиев: “Ғалаба қозониш ёқимли, кучли рақибни ютсанг, бу икки карра ёқимли”

Ўйин ҳақида

- Ғалаба қозониш ёқимли, кучли рақибни ютсанг, бу икки карра ёқимли. Футболчиларимиз жуда яхши ўйин намойиш этиб беришди. Мухлисларимизга ҳам рахмат айтамиз.

Ўйин ҳақида айтадиган бўлсам, биз тўпни рақибга топшириб, яхши ҳимояландик. Қарши ҳужумларда кескинроқ ва яхшироқ ҳаракат қилдик. Шунинг натижасига ғалабали натижани қўлга киритдик деб ўйлайман. 

- Танаффусда жамоа нега кийиниш хонасига кирмади?

- Биз ўйиндан кейин ҳам кийиниш хонасидан шунчаки кийимларни олиш учун кирдик холос. Бу кутилмаган кайфиятни келтириб чиқарди. 

- Муддатидан олдин “Насаф”ни чемпион деб ҳисобласак бўладими?

- Барчамизда мақсад бор, орзу бор, бу албатта чемпионлик. Узоқ сафардан қайтганимиз балки жисмоний жиҳатдан сезилди. Ҳар қандай ўйинга жиддий ёндашаяпмиз. Ҳозирча ҳеч нарсага эришмадик. Қачондир мақсадга эришсак, унда тўхтасак бўлади.

- “Насаф” ҳимоявий футбол ўйнаган жамоаларга қарши қийинчиликларга дуч келган. ОКМКнинг бугунги мағлубиятига очиқроқ футбол ўйнагани сабаб бўлди деб ҳисоблайсизми?

- ОКМК 31 та гол уриб, 21 та ўтказган. Бу жамоанинг ҳужумкор футбол тарафдори эканини кўрсатади. Улар қанчалик олдинга чиқса, бизда қарши ҳужумда имконият бўларди. 

- Дилшод Комилов Қаршидаги ўйинларда захирадан тушмаётганига сабаб нима?

- Унинг позициясида тажрибали футболчиларимиз бор. Бугунги ўйиндаги натижа жамоамиз учун жуда муҳим эди. Шу боис Комиловни захирада қолдирдик. Кейинги ўйинларда албатта имконият берамиз. У ўзи захирадан қўшилган ўйинлардв жамоамиз ўйинига фойдали таъсирини кўрсата олган.