Ройс нега Евро-2016га бормаслиги маълум бўлди

Германия терма жамоасининг якуний таркибига киритилмаган Ройс борасида Йоахим Лёв шундай деди: "Агарда Марко Ройс жароҳатидан фориғ бўлганида, ҳозир у якуний таркибдан ўрин олган бўларди. Бу Германия учун жуда катта фойда бўларди. Шахсан мен учун бу қарорга келиш жуда қийин бўлди. Жамоамиз шифокорлари Ройс борасида бизга маъқул хулосани бера олмади. Ройс Европа чемпионатида қатнашишга тайёр эмас экан. Бу нафақат Ройс учун, балки биз учун ҳам хунук хабар. Марко сафда бўлганида Германия терма жамоаси янада кучлироқ кўринарди".

Эслатиб ўтамиз, Марко Ройс жароҳати туфайли ЖЧ-2014ни ҳам ўтказиб юборишга мажбур бўлганди.