Рифат Акрамхўжаев: "Владимир Бубанья янги мавсумни "Сурхон"да бошлаш эҳтимоли яқин"
26 янв 2021 15:41
Янгиликлар

Рифат Акрамхўжаев: "Владимир Бубанья янги мавсумни "Сурхон"да бошлаш эҳтимоли яқин"

"Сурхон" жамоаси Тошкентдаги ўқув-машғулот йиғини доирасидан ўрин олган навбатдаги ўртоқлик учрашувини ўтказди.

Термизликларнинг ЖАР стадионида "Андижон"га қарши кечган ўйинидан сўнг жамоа бош мураббийи Рифат Акрамхўжаев championat.asia сайтига фикрларини билдириб ўтди.

"Қишки йиғинимиз мўлжаллаган режамиз бўйича кетмоқда. Жамоада ўйин услубини йўлга қўйишга ҳаракат қилмоқдамиз. Шунингдек селекция борасида ҳаракатлар тўхтамаган, таркибни кучайтириш йўлида ишлар олиб бориляпти. Бир қатор футболчилар билан музокараларга киришганмиз. Владимир Бубаньянинг жамоамизга қўшилиши эҳтимоли яқин, шу кунларда футболчининг масаласи ҳал бўлади. Янги мавсумга яхши тайёргарлик кўришимиз учун барча шароитлар яратиб бериляпти. Чемпионат бошлангунга қадар Тошкентда йиғинни давом эттирамиз. Чунки, таркибни ўзагини аниқлаб олишимиз керак. ",- дейди Акрамхўжаев.

Ҳавола :

Манба : championat.asia

Янгиликларни Телеграмда ўқинг!

Рейтинг: +3