"Реал" 29 ёшли форвард Хулиан Альварес учун расман 150 миллион евро таклиф қилди ва "Атлетико"дан рад жавобини олди.
"Реал" футбол клуби бугунги директорлар кенгаши йиғилиши натижаларига кўра, "Атлетико"га Хулиан Альвареснинг ҳуқуқлари учун 150 миллион евро миқдорида таклиф юборганини эълон қилади.
Таклифни кўриб чиқиб ва баҳолагач, "Атлетико" икки клуб ўртасидаги ижобий муносабатлар доирасида амалга оширилганини қайд этган ҳолда миннатдорлик билдирди, бироқ футболчининг товон пули (клаусула) бандига ишора қилиб, уни рад этди", – дейилади "Реал" баёнотида.
Эслатиб ўтамиз, 4 июнь куни "Реал" президенти Флорентино Перес 9 июнь куни футболчини 150 миллион евро эвазига сотиб олиш бўйича таклиф киритишини маълум қилганди.
Ўтган мавсумда аргентиналик футболчи Ла Лиганинг 29 та ўйинида 8 та гол урди ва 4 та голли узатмани амалга оширди.
