"Реал Мадрид" янги мавсум олдидан катта йўқотишга учраши мумкин

Беллингем ҳамон елкасидаги оғриқлардан азият чекмоқда. Англиялик футболчи Европа чемпионати финалидан сўнг операция қилиниши мумкин. Агар жарроҳлик амалиёти амалга оширилса, Жуд камида икки ой майдонга туша олмайди.

"Реал Мадрид" раҳбарияти Беллингемнинг операцияси бўйича якуний позицияни Европа чемпионати якунланганидан кейин ҳал қилади.

Ярим ҳимоячи мадридликлар сафидаги илк мавсумдаёқ Европа Чемпионлар лигаси, Испания Ла Лигаси ва Испания Суперкубогида ғолиб чиқди.