Бу ҳақда журналист Патрик Бергер Х ижтимоий тармоғидаги (собиқ Twitter) ўз саҳифасида хабар қолдирди.
Манба берган маълумотларга кўра, "Реал" раҳбарияти аргентиналик футболчининг имкониятларини юқори баҳоламоқда. Агар 150 миллион евро миқдорида таклиф тушса, "Атлетико" Альваресни сотишдан манфаатдор бўлиши қайд этилган.
Бундан олдин ўйинчига "Барселона", "Пари Сен-Жермен" ва "Арсенал" клублари ҳам даъвогарлик қилаётгани хабар қилинган эди.
Якунланган мавсумда аргентиналик форвард барча турнирларда 49 та ўйинда иштирок этиб, 20 та гол урди ва 9 та голли узатмани амалга оширди. Унинг "қизил-оқлар" билан шартномаси 2030 йилнинг ёзигача мўлжалланган. "Transfermarkt" интернет-портали маълумотларига кўра, футболчининг тахминий баҳоси 100 миллион еврони ташкил этади.
